Festa do espantallo.

En el centro cívico de Feáns, para el 1 de Octubre, está prevista esta actividad, y nos hemos apuntado. El que se anime, tiene que enviar un correo electrónico como se indica. Todo tiene muy buena pinta, y aquí ya se han puesto como locos a diseñar o espantallo!.

Xantar popular con productos de agricultura tradicional no centro cívico.

A ASOCIACIÓN HORTAS DO VAL DE FEÁNS CELEBRA A SÚA PRIMEIRA COLLEITA COA FESTA DO ESPANTALLO.

A Asociación Cultural e de Desenvolvemento Rural de Usuarios e Usuarias das Hortas do Val de Feáns convoca para o vindeiro 1 de Outubro a primeira edición da Festa do Espantallo. Este evento, realizado en colaboración coa asociación de veciños O Freixo, pretende celebrar a primeira colleita realizada nestes primeiros meses de cultivo.

O festexo consistirá nun concurso de creación de espantallos, especialmente dirixido para os máis cativos, aínda que haberá premios en categoría de adultos e de nenos co obxeto de agasallar a labor efectuada polos participantes, na que se valorará a utilidade e o deseño das pezas. A actividade rematará cun xantar popular co que a asociación pretende agradecer a cesión gratuita dos terreos situados na inmediación do centro cívico de Feáns.

É necesario que as persoas que desexen participar, tanto no concurso como no xantar, se inscriban nun listado que estará ao seu dispor no horario de apertura do centro cívico (lúns a sábado de 10.30 a 13.30 e de 16.30 a 20.30 horas) ou envíen un correo electrónico a hortasnacidade@gmail.com, especificando o número de asistentes. A festa comezará ás 12.00 da mañá na leira situada ao carón do edificio municipal, e entre outras viandas, haberá pratos cociñados coas hortalizas e verduras colleitadas polas persoas que forman parte da asociación.

O evento conta co patrocinio da Agraria de Cambre.

A Asociación Hortas do Val de feáns busca recuperar antigas hortas e terreos abandonados no Val de Feáns para poñelos de novo en uso, contribuíndo así á súa axeitada conservación en mantemento. Estas leiras permiten o cultivo para autoconsumo así como desenvolver actividades que promovan o traballo hortícola no Val de Feáns desde unha perspectiva relacionada coa agricultura ecolóxica, recuperación de terreos baldíos, cursos, charlas, exposicións divulgativas, de lecer e educativas.

Na actualidade participan no proxecto comunitario sen ánimo de lucro, que agromou no ano 2010, case que 50 persoas, agrupadas en 33 hortas cunha superficie de 30-35 metros cuadrados cada unha.